constipation कब्जियत भनेकाे के हाे ? यसबाट बच्ने कसरी ?

कब्जियत भनेकाे के हाे ? यसबाट बच्ने कसरी ?

धेरै नेपालीलाई ग्याष्टिकको समस्या छ । खाना नियमित नहँदा ग्याष्टिक सहित कब्जियत जस्ता रोगले सताउन सक्छ ।

खानपानको तालमेल नमिल्दा, ब्यस्त जीवनशैली, ब्यायाम गर्ने समय नहुँदा, घरमा बनेको भन्दा पनि बाहिरको धेरै खाने कुराले कब्जियतको समस्या निम्त्याउने गर्छ । कामको व्यस्तता, अल्छिपनले खानपानमा आएको परिवर्तनले गर्दा कब्जियतको समस्या देखापरेको हो भन्ने पनि धेरैलाई थाहा भएको कुरा हो ।

परिवर्तित जीवनशैली र खराब खानपानका कारण पछिल्लो केहि समय देखि यो समस्या आम बन्दै आएको छ । पहिले बिहानै दिसा बस्न नसकेकोमा पूरा दिन नै खराब हुने भए पनि अचेल बानी भइसकेको हुनाले कब्जियतको समस्यालाई मानिसले निकै सामान्य रुपमा लिन थालेका वीर अस्पतालका पेट तथा कलेजो रोग विशेषज्ञ डाक्टर भुपेन्द्र बस्नेतले बताएका छन ।

पहिलेका मानिसले बिहान सबै काम गरेर दिनको सुरुवात गर्ने, आफ्नै बारीको उत्पादन प्रयोग गरेका कारण कब्जियतको समस्या कम थियो । तर पछिल्लो समय बजारमा पाइने जंकफुड को बढी प्रयोगले कब्जियतको समस्यामा वृद्धि भएको डा भुपेन्द्रले बताएका छन ।

बच्चादेखि वृद्धसम्म रहँदै आएको कब्जियतको समस्याले आन्द्रा र पाचन प्रणालीमा नकारात्मकअसर गरेर खाना खान मन नलाग्ने, एसिडिटी, ग्यास्ट्रिक लगायतका समस्या निम्त्याउने गर्दछन् । पेट र शरीरलाई स्वास्थ्य राख्नका लागि एक सामान्य व्यक्तिले दिनको एकपटक दिसा गर्नु पर्दछ ।

तर, एक हप्तामा तीन पटक भन्दा कम र पीडादायक दिसा निष्कासन हुने गर्छ भने उक्त अवस्थालाई कब्जियत भएको भनिने गरिन्छ । कब्जियत क्षणिक, जटिल र लामो समय रहने गरेर तिन प्रकारका हुने गर्छन् । अचानक र छोटो समयमा नै ठिक हुने कब्जियतलाई क्षणिक कब्जियत भनिन्छ ।

हप्तामा एक वा दुइ पटकभन्दा कम दिसा निष्काशन हुने अवस्थालाई जटिल कब्जियत भनिने गरिन्छ । हप्ता तथा महिना सम्म दिसा निष्काशन हुँदैन भने उक्त अवस्थालाई लामो समय रहने कब्जियत भनिन्छ । कुनै समयमा प्रायः सबै व्यक्तिहरुलाई कब्जियत हुने गर्दछ ।

कब्जियत खास गरि ६५ वर्ष नाघेका, गर्भवती तथा सुत्केरी महिला, नियमित भ्रमण गर्ने तथा बाहिर खाने व्यक्ति, निष्क्रिय जीवनशैली भएका मानिस, तयारी खाद्यवस्तु तथा जंकफुडको उपभोग कर्ता, धेरै माछामासु खाने, रेशादार खाना तथा फलफूल नखाने र पर्याप्त पानी नपिउने, ब्यायाम नगर्ने, व्यक्तिहरुमा समस्या देखा पर्ने हुन्छ ।

दैनिक खाने खाना, जीवनशैली र शरीरमा भएका रोगका कारण पन्नी कब्जियत हुना सक्छ । दुग्ध पदार्थ अधिक सेवन, मानसिक तनाव, पेट तथा केन्द्रीय स्नायु प्रणालीमा असर पार्ने रोग, दुखाइ तथा तनाव कम गर्ने लगायत अन्य औषधिको प्रभाव, पेट तथा आन्द्रामा हुने विकार र जीवनशैलीमा हुने परिवर्तनका कारण पनि कब्जियत हुना सक्छ ।

नियमित रुपमा दिसा नआउनु कब्जियतको मुख्य लक्षण हो । दिसा गर्ने क्रममा एकदम गाह्रो हुनु, पेट दुख्नु र एकदम कडा, कालो र कस्सिएको दिसा आउनु पनि यसका प्रमुख लक्षण हुन् । कब्जियतबाट बच्नको लागि खाना र जीवनशैलीमा विशेष ध्यान दिनु पर्ने हुन्छ ।

खानपानको बानी र जीवनशैलीमा सुधार गरेर रेशेदार सागसब्जी, फलफूलको अत्याधिक मात्रामा सेवन, प्रशस्त मात्रामा पानी पिउने, नियमित व्यायाम गर्ने र चिकित्सकको सल्लाह अनुसार औषधिको सेवन गर्ने तथा मासु, रक्सी, जंकफुडको सेवन र कफीको सेवनमा कमी ल्याउने गर्दा कब्जियतबाट बच्न सकिने डा. भुपेन्द्रले सुझाव दिएका छन् ।

फापर र कोदोको रोटी, मकै, चोकरसहित पिठोको रोटी, बोक्रासहितको दाल, गेडागुडी, ओटमिल, तिल, ज्वानो, ओखर र बदामको सेवनले कब्जियत हटाउनका लागि निकै उपयोगी हुन्छ । तोरी र रायोको साग, बोक्रासहितको आलु, फर्सी, ब्रोकाउली, बोक्रासहितको स्याउ, काक्रो, काफल, रेशादार फलफूल र सागसब्जीको पर्याप्त सेवनले पनि कब्जियतबाट हामीलाई टाढा राख्छ । साथै organic world group ले उत्पादन गरेका यि product प्रयोग ले पनि यो समस्या हल गर्न सकिन्छ ।

- - - - - - - - - - -
थप जानाकारिको लागी
Chandragiri Organic center
Ganyodaya Marga Bafal 13 Kalanki
Phone number :
📞 9844475888
9861535440
9823624981